*தீனிய்யாத்துக்கு பகிரங்க விவாத அழைப்பு:*
பதிவுநாள்: 24.10.2021 - ஞாயிற்றுக்கிழமை
நேரம்: சரியாக *12:10pm*
அஸ்ஸலாமு அலைக்கும் வ ரஹ்மத்துல்லாஹ்....
பேரன்பிற்குரிய காயல் நகர தீனிய்யாத் நிர்வாகிகளுக்கு ஒரு பகிரங்க சவால். கடந்த சில நாட்களாக தீனிய்யாத் குறித்த சர்ச்சைகள் எழுந்து அது அணையாமல் பற்றி எரிவது நாம் அறிந்ததே!.
அன்வாருஸ் ஸுஃப்பா உடைய தீனிய்யாத்தில் "நாள் குறிப்பிட்டு நடக்கும் ஃபாத்திஹாக்கள் ஹராம்" என்றும், அன்வோ (ANWO) சார்பாக நடக்கும் கன்ஜுல் உலூம் எனும் பெண்களுக்கான பாட கிதாபில் கிதாபில் ஃபாத்திஹா குறித்தும், ஐவேளை தொழுகைக்குப் பின் மற்றும் ஜனாஸா தொழுகைக்குப் பின் உள்ள கூட்டு துஆ விஷயத்தில் அவை பித்அத் என்றும் தவிர்க்கப்பட வேண்டியவை என்றும் உள்ளது. இது போன்ற விஷயங்கள் தீனிய்யாத் சார்ந்த பெண்களுக்கான கிதாபுகளில் உள்ளதால் இவை சமுதாயத்தால் ஒதுக்கி வைக்கப்பட வேண்டிய சிலபஸாகும் என்பது எமது நிலைபாடு.
"இப்படியான சர்ச்சைக்குரிய மஸ்அலாக்கள் எங்கள் தீனிய்யாத் சிலபஸில் இருந்ததே இல்லை. இப்போது வலைதளங்களில் 'தீனிய்யாத்தில் உள்ளதாக வலம் வரும்' புகைப்படங்கள் பொய்யானவை. அதுவும் கன்ஜுல் உலூம் என்பது வேறு ஏதோவொரு கிதாப்" என்றும், "தீனிய்யாத்தோடு அதற்கு எந்த சம்பந்தமும் இல்லை"யென்றும் நீங்கள் வலைதளங்களில் வாதிட்டு வருகிறீர்கள். அதற்கான ஆடியோக்கள் நம்மிடம் உள்ளது.
தாங்கள் இது நாள்வரை அழைத்து வந்தது போல நாங்கள் விவாதத்திற்குத் தயார். அடுத்த மாதம் கடைசி செவ்வாய் (30.11.21) நீங்கள் குறிப்பிடுகிற இடத்திலேயே தயார். எங்கள் சார்பாக 5 நபர்கள் வருவோம்.
ஆனால், அதில் எங்களுக்கு சில நிபந்தனைகள் உண்டு:
1. உங்கள் சார்பான விவாத அழைப்பு தீனிய்யாத் லெட்டர்ஹெட்டில் தான் வேண்டும். தனிநபர்களோடு நாங்கள் விவாதம் செய்ய வேண்டிய தேவை எங்களுக்கு இல்லை.
உங்கள் கூற்றில் உங்களுக்கு உறுதி இருந்தால், லெட்டர்ஹெட்டில் விவாத அழைப்பு தரவும்.
2. விவாதத்தில் இவை உங்கள் தீனிய்யாத்திலும் தீனிய்யாத் சம்பந்தப்பட்ட புத்தகங்களிலும் இருப்பதை நிரூபித்து விட்டால், தூத்துக்குடி மாவட்டத்தில் தீனிய்யாத்தை நடத்த மாட்டோம். அப்படி மீறி ஏதேனும் ஒரு ரூபத்தில் வந்தால் அதை எதிர்த்து பிரச்சாரம் செய்வோம் என்று உங்கள் சார்பாக விவாதத்தில் கலந்துகொண்டவர்கள் தனித்தனியாக கையெழுத்திட்டுத் தர வேண்டுமென்றும் நிபந்தனை வைக்கிறோம்.
இந்த நிபந்தனைகளுக்கு ஒப்புக்கொண்டால் அடுத்த மாதம் 30.11.2021 செவ்வாய்க்கிழமை நீங்கள் முடிவு செய்கிற இடத்தில் நாங்கள் தயார் என்று பகிரங்கமாக அறிவிக்கிறேன்.
இப்படிக்கு,
*ஜாஸிர் மஹ்ழரி*
Comments
Post a Comment